ཕྱི་ལོ་༢༠༢༦ ཟླ་ ༧ ཚེས་ ༡༦ ཉིན་སེར་བྱེས་མཁས་སྙན་གྲྭ་ཚང་གིས་མཐུན་རྐྱེན་སྦྱར་བའི་ཕྱི་རྒྱལ་བོད་རིགས་སློབ་མ་གཞོན་སྐྱེས་ལ་དམིགས་པའི་དབྱར་དུས་སློབ་གྲྭ་སྐབས་ལྔ་པའི་མཇུག་བསྡོམས་མཛད་སྒོ་དེ་སེར་བྱེས་བཀྲ་ཤིས་ཆོས་གླིང་ཚོགས་ཁང་ནང་བསྐྱངས་པ་དང་སྟབས་བསྟུན། སེར་བྱེས་རྒྱལ་སྤྱི་དྲྭ་ཐོག་སློབ་གྲྭ་ནས་སྐབས་གཉིས་པའི་འཛིན་གྲྭ་བརྒྱད་པ་མཐར་ཕྱིན་གྱི་སློབ་མ་གྲངས་དྲུག་ཅུ་ལྷག་བསླབས་པ་མཐར་སོན་བྱུང་ཡོད་པའི་ཁོངས་ནས། སློབ་མ་གསུམ་འདི་ག་དབྱར་དུས་སློབ་གྲྭ་ལ་བཅར་བ་རྣམས་ལ་སེར་བྱེས་ཤེས་ཡོན་འགན་འཛིན་དགེ་བཤེས་བྱམས་པ་ཆོས་དབང་ལགས་ཀྱིས་དངོས་སུ་ཕྱག་ཁྱེར་ཕུལ་ཡོད།
མཛད་སྒོའི་སྐབས་སྐུ་མགྲོན་གཙོ་བོ་སེར་བྱེས་མཁས་སྙན་གྲྭ་ཚང་གི་སྐྱབས་རྗེ་མཁན་རིན་པོ་ཆེ་དགེ་བཤེས་བཀྲ་ཤིས་ཚེ་ཐར་མཆོག་དང་། གྲྭ་ཚང་གི་དབུ་ཆོས་རྣམ་གཉིས་དང་། ཕྱག་མཛོད་ཆེན་མོ་ལགས་དང་། ཤེས་ཡོན་འགན་འཛིན་ལགས། དམིགས་བསལ་སྐུ་མགྲོན་སྦེལ་ཀོབ་ལུགས་བསམ་གཞིས་འགོ་དགེ་ལེགས་འབྱུང་གནས་ལགས་དང་། ས་གནས་ཧིན་བོད་མཛའ་འབྲེལ་ཚོགས་པའི་ཚོགས་གཙོ་ J.P URS བཅས་དབུ་བཞུགས་ཐོག གྲྭ་ཚང་གི་ཚོགས་པ་ཁག་གི་འགན་འཛིན་དང་། ཁང་ཚན་རྒན་ལགས་རྣམ་པ། དབྱར་དུས་སློབ་གྲྭའི་དགེ་རྒན་དང་སློབ་མ་བཅས་འཛོམས་ཡོད།
